ခ ရံာ် အ တၢ် အိၣ် ဖှိၣ် မ့ၢ် ၀ဲ က စၢ် ယ့ၣ် ရှူး အ တၢ် တိာ် ကျဲၤ တ ခါ လၢ ဖျါ ဖဲ လံာ် မး သဲ ၁၆း၁၆ - ၁၉ န့ၣ် လီၤ. (၁၆ ဒီးစီၤရှံမိၣ်ပ့း တရူးကတိၤဆၢတၢ်ဒီးစံးဝဲဒၣ်, နဲဒၣ်အံၤ, နမ့ၢ်ခရံာ်, ယွၤလၢအမူဝဲတဂၤအဖိခွါလီၤ. ဒီးယ့ၣ်ရှူးကတိၤဆၢ တၢ်ဒီးစံးဘၣ်အီၤ, ၁၇ စီၤရှံမိၣ်ဘၢ်ယိၤနါဧၢ, နဘၣ်ဆိၣ် ဂ့ၤနဲလီၤ.အဂ့ၢ်ဒ်အံၤ, တၢ်ညၣ်ဒီးတၢ်သွံၣ်န့ၣ် တလီၣ် ဖျါဘၣ်ဝဲလၢနၤဘၣ်, မ့ၢ်ယပၢ်အိၣ်ဝဲလၢမူခိၣ်လီၤ.၁၈ ဒီးယဲဒၣ်အံၤယစံးဘၣ်တဲဘၣ်နၤ, လၢနမ့ၢ်ပ့းတရူး, ဒီးယကပာ်လိၤယတၢ်အိၣ်ဖှိၣ်လၢ လၢၢ်အံၤအဖီခိၣ်, ဒီးပျုၤပူၤအပဲတရီတဖၣ် တမၤနၢၤ မၤဃၣ်ဘၣ်အီၤ ဘၣ်. ၁၉ ဒီးယကဟ့ၣ်လီၤနၤလၢမူခိၣ်အဘီ အမုၢ် အနီၣ်ဝံာ်, ဒီးဖဲဒၣ်နစၢဃာ်လၢဟီၣ်ခိၣ်ချၢတမံၤမံၤန့ၣ်, ကဘၣ် တၢ်စၢဃာ်အီၤလၢမူခိၣ်, ဒီးဖဲဒၣ်နဃ့ၣ်လီၤ တၢ်လၢဟီၣ်ခိၣ်ချၢတမံၤမံၤန့ၣ်, ကဘၣ်တၢ်ဃ့ၣ်လီၤ အီၤလၢမူခိၣ်လီၤ.) က စၢ် ယ့ၢ် ရှူး ခ ရံာ် အ တၢ် တိာ် ကျဲ န့ၣ် မ့ၢ် ၀ဲ တၢ် အိၣ် ဖှိၣ် က ဘၣ် တၢ် သူၣ် ထီၣ် ထီၣ် အီၤ လၢ လၢၢ် အ ဖီ ခိၣ် န့ၣ် လီၤ. မ့ၢ် ပ တၢ် အိၣ် ဖှိၣ် သူၣ် ထီၣ် အ သး လၢ လၢၢ် အ ဖီ ခိၣ် ဧါ?
တၢ် အိၣ် ဖှိၣ် န့ၣ် မ့ၢ် က စၢ် ခ ရံာ် အ နီၢ် ခိ ( က လီး စဲ ၁း၁၈)
(၁ က ရံာ် ၁၂း၄-၁၂)
တၢ် အိၣ် ဖှိၣ် န့ၣ် မ့ၢ် က စၢ် ခ ရံာ် အ နီၢ် ခိ ( က လီး စဲ ၁း၁၈)
(၁ က ရံာ် ၁၂း၄-၁၂)
တၢ် ကွၢ် စိ (၁)
ခ ရံာ် အ တၢ် အိၣ် ဖှိၣ် အ တၢ် ကွၢ် စိ န့ၣ် ဖျါ ဖဲ မၤ တၢ် ၂း၄၂ န့ၣ် လီၤ. (၄၂ ဒီးအဝဲသ့ၣ်တဖၣ်န့ၣ်, အိၣ်ဝဲတဘိယူၢ်ဃီလၢပှၤတၢ်မၢဖိအတၢ်သိၣ်တၢ်သီအပူၤ, ဒီးလၢတၢ်ရ့လိာ်, ဒီးတၢ်စိၢ်ဘျဲးကိၣ်, ဒီးတၢ်ဘါထုကဖၣ် အပူၤလီၤ.) ခီ ဖျိ လံာ် စီ ဆှံ အ ဆၢ အံၤ တၢ် အိၣ် ဖှိၣ် အ တၢ် ကွၢ် စိ န့ၢ် မ့ၢ် ၀ဲ -
- တၢ် လီၢ် လၢတၢ် သိၣ် လိ လံာ် စီ ဆှံ - အ့ ဖ့း စူး ၄း၁၄ စံး ၀ဲ (၁၄ ဒ်သိးပသုတမ့ၢ်လၢၤဖိသၣ်လၢအဟူးဝးဝဲ, ဒီးဒံဝ့ၤဒံဝီၤထွဲ ကယဲၢ်တၢ်သိၣ်တၢ်သီအကလံၤအခံ, လၢပှၤကညီအလီတၢ်ဝ့ၤတၢ်, လၢတၢ်လွဲတၢ်လဲးဘၣ်ဃးဒီးအလီတၢ်အတၢ် ကူၣ်တၢ်ဆးန့ၣ်တဂ့ၤ.)
- တၢ် လီၢ် လၢ ပှၤ စူၢ် က့ၤ နာ် က့ၤ တၢ် တ ဖၣ် အ တၢ် ရ့ လိာ် မုာ် လိာ် သး - ၁၀ လၢဒီပုၢ်ဝဲၢ်အဲၣ်လိာ်ကွံလိာ်အသးန့ၣ်, အဲၣ်လိာ်ကွံလိာ်သုသး ဒ်ဒီပုၢ်ဝဲၢ်တံၢ်တံၢ်အသိးန့ၣ်တက့ၢ်. လၢ တၢ်ယူးယီၣ်န့ၣ်, လဲၤလၢညါလိာ်သုသးတက့ၢ်.(ရိ မ့ၤ ၁၂း၁၀), ၁၄ ဒီးပုၢ်သ့ၣ်ဝဲၢ်သ့ၣ်ဧၢ, ယနာ်ယကစၢ်ဒၣ်ယဲလၢသုဂ့ၢ်လၢသုလၢထီၣ်ပှဲၤထီၣ်ဒီး တၢ်သ့ၣ်ညါခဲလၢာ်ဒီး, သုသိၣ်က့ၤသီက့ၤလိာ်သုသးစ့ၢ်ကီးဒီးသုပှဲၤထီၣ်ဒီးတၢ်ဂ့ၤ လီၤ.(ရိ မ့ၤ ၁၅း၁၄), ၃၂ ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်, ဒ်ယွၤအိၣ်လၢခရံာ်အပူၤပျၢ်သုတၢ်အသိးန့ၣ်တက့ၢ်.( အ့း ဖ့း စူး ၄း၃၂), ၁၁ မၤသးဒ်န့ၣ်ဒီးမၤမုၣ်ထီၣ်လိာ်သုသး, ဒီးမၤထီၣ်မၤထီလိာ်သုသးသကိးသကိး,ဒ်သုမၤစ့ၢ်ကီးအသိးန့ၣ်တက့ၢ်.(၁ သ့း စၤ လ နံ ၅း၁၁), ၁၁ အဂ့ၢ်ဒ်အံၤ, တၢ်စံၣ်တဲၤတဲလီၤလၢပနၢ်ဟူလၢအခီၣ်ထံးလံၤလံၤန့ၣ်, မ့ၢ် အအံၤ, ဒ်သိးပကအဲၣ်လိာ်ကွံလိာ်ပသးလီၤ.(၁ ယိၤ ဟၣ် ၃း၁၁)
- တၢ် လီၢ် လၢတၢ် အီၣ် ဘူၣ် ဒီး - ၂၃ အဂ့ၢ်ဒ်အံၤ, တၢ်လၢယဒိးန့ၢ်လၢကစၢ်အအိၣ်, ယဟ့ၣ်လီၤစ့ၢ်ကီးသု, လၢကစၢ်ယ့ၣ်ရှူး,လၢမုၢ်နၤလၢတၢ် ဟ့ၣ်လီၤကွံာ်အီၤန့ၣ်,ဟံးန့ၢ်ကိၣ်, ၂၄ ဒီးစံးထီၣ်ပတြၢၤတၢ်အဘျုးအဖှိၣ်,ဒီးစိၢ်ဘျဲးဝဲ, ဒီးစံးဝဲဒၣ်,အအံၤမ့ၢ်ယနီၢ်ခိလၢသုဂီၢ်လီၤ. မၤတၢ်အံၤလၢတၢ်သ့ၣ်နီၣ်ထီၣ်က့ၤ ယၤအဂီၢ်န့ၣ်တက့ၢ်. ၂၅ ဒ်န့ၣ်အသိးစ့ၢ်ကီး,အီၣ်တၢ်အီၣ်လၢဟါအီၣ်ဝံၤဒီး, ဟံးန့ၢ်လီခီဒီးစံးဝဲဒၣ်,လီခီအံၤမ့ၢ်တၢ်အၢၣ်လီၤအီလီၤအသီလၢ ယသွံၣ်န့ၣ်လီၤ. ဖဲဒၣ်သုအီတၢ်အံၤတစုစုဒီး, မၤလၢတၢ်သ့ၣ်နီၣ်ထီၣ်ယၤ အဂီၢ်န့ၣ်တက့ၢ်. ၂၆ အဂ့ၢ်ဒ်အံၤ,ဖဲသုအီၣ်ကိၣ်အံၤ, ဒီးအီလီခီအံၤတစုစုန့ၣ်, သုဒုးနဲၣ်ဖျါထီၣ်ကစၢ်အဒိးသံအသး,တုၤအဟဲန့ၣ်လီၤ.(၁ က ရံၣ် သူး ၁၁း၂၃-၂၆)
- တၢ် လီၢ် လၢတၢ် ထု က ဖၣ် - ၆ သုတဘၣ်ယိၣ်တၢ်နီတမံၤတဂ့ၤ. မ့မ့ၢ်လၢတၢ်ကိးမံၤဒဲးန့ၣ်လၢတၢ်ထုကဖၣ်, ဒီးလၢတၢ်ဃ့ကညးအိၣ်ဒီးတၢ်စံးထီၣ်ပတြၢၤတၢ်အဘျုးအဖှိၣ်အပူၤန့ၣ်, ဘိးဘၣ်သ့ၣ်ညါ ယွၤလၢသုတၢ်အဲၣ်ဒိးတဖၣ်န့ၣ်တက့ၢ်. ၇ ဒီးယွၤအတၢ်ဃူတၢ်ဖိးလၢအဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ်တၢ်န့ၣ် ကပၢၤသုသူၣ်သုသးဒီး သုဆိကမိၣ်တၢ်လၢယ့ၣ်ရှူးခရံာ်အပူၤလီၤ.(ဖံ လံး ပံၤ ၄း၆-၇)
တၢ် ကွၢ် စိ (၂)
တၢ် ကွၢ် စိ ခံ ခါ တ ခါ မ့ၢ် ၀ဲ ခ ရံာ် အ တၢ် အိၣ် ဖှိၣ် က ဘၣ် မ့ၢ် တၢ် အိၣ် ဖှိၣ် လၢ ဘိး ဘၣ် ရၤ လီၤ က စၢ် ယ့ၣ် ၡူ ခ ရံာ် အ တၢ် အုၣ် က့ၤ ခီၣ် က့ၤ န့ၣ် လီၤ. (မး သဲ ၂၈း၁၈-၂၀)(မၤ တၢ် ၁း၈), ၁၅ ဒီးပာ်စီဆှံကစၢ်ခရံာ်လၢသုသးကံၢ်ပူၤတက့ၢ်. *.ဒီးကယဲၢ်ပှၤလၢအသံကွၢ်သုလၢ တၢ်မုၢ်လၢ်အိၣ်လၢသုပူၤအဂ့ၢ်အကျိၤကိးဂၤဒဲးန့ၣ်, အိၣ်ကတီၤသုသး ထီဘိလၢတၢ်စံးဆၢ, မ့မ့ၢ်လၢတၢ်သူၣ်စူၤသးစူၤဒီးတၢ်ပျံၤတၢ်ဖုးတက့ၢ်.(၁ ပ့း တ ရူး ၃း၁၅)
စီၤ ပီ လူး ဟ့ၣ် ၀ဲ တၢ် အ ဒိ မ့ၢ် ၀ဲ လၢ တၢ် အိၣ် ဖှိၣ် န့ၣ် မ့ၢ် ၀ဲ ယွၤ အ စု, အ ထး ခိၣ် ဒီး အ ခီၣ် လၢ ဟီၣ် ခိၣ် ချၢ န့ၣ် လီၤ.(၁ က ရံၣ် သူး ၁၂း၁၂-၂၇) တၢ် အိၣ် ဖှိၣ် က ဘၣ် မၤ ၀ဲ တၢ် မၤ လၢ က စၢ် ခ ရံာ် က မၤ လၢ ဟီၣ် ခိၣ် ချၢ န့ၣ် လီၤ.
တၢ် ကွၢ် စိ (၃)
တၢ် ကွၢ် စိ သၢ ခါ တ ခါ မ့ၢ် ၀ဲ ခ ရံာ် အ တၢ် အိၣ် ဖှိၣ် ပ ဘၣ် က ဟု က ယာ် ကွၢ် ထွဲ ပှၤ လၢ အ လိၣ် ဘၣ် သ့ၣ် တ ဖၣ် န့ၣ် လီၤ. တ မ့ၢ် ထဲ တၢ် ရၤ လီၤ တၢ် သး ခု က စီၣ် ဘၣ်, နီၢ် ခိ အ တၢ် လိၣ် သ့ၣ် တ ဖၣ် ပ ဘၣ် မၤ စၢၤ အီၤ န့ၣ် လီၤ.၂၇ တၢ်ဘူၣ်ထီၣ်ဘါထီၣ်အစီအဆှံ, ဒီးတဘၣ်အၢဘၣ်သီဘၣ်တမံၤမ့ၢ်အအံၤ, တၢ်အိၣ်သကိးပှၤဖိၣ်ဃဲဒီးမုၣ်ကမဲလၢအဘၣ်တၢ်နးတၢ်ဖှီၣ်အပူၤ,ဒီးတၢ်ပလီၢ်အသးဒ်သိးအသုတဘၣ်တၢ်ဃံၣ်တၢ်ဃူး လၢဟီၣ်ခိၣ်တဂ့ၤန့ၣ်လီၤ.(ယၤ ကိာ် ၁း၂၇). တၢ် အိၣ် ဖှိၣ် န့ၣ် မူ ဒါ အိၣ် ၀ဲ လၢ က ဟ့ၣ် မၤ စၢၤ တၢ် ပီး တၢ် လီ လၢပှၤ စူၢ် က့ၤ နာ် က့ၤ တ ဖၣ် က မၤ နၢၤ တၢ် ဒဲး ဘး ဒီး က ပူၤ ဖျဲး ဒီး ဟီၣ် ခိၣ် အ တၢ် ဘၣ် အၢ ဘၣ် သီ အ ၈ီၢ် န့ၣ် လီၤ. တၢ် ပီး တၢ် လီ န့ၣ် မ့ၢ် ၀ဲ တၢ် မၤ လိ လံာ် စီ ဆှံ ဒီး ခ ရာ် ဖိ တၢ် ရ့ လိာ် မုာ် လိာ် န့ၣ် လီၤ.စီၤ ပီ လူး ဟ့ၣ် ၀ဲ တၢ် အ ဒိ မ့ၢ် ၀ဲ လၢ တၢ် အိၣ် ဖှိၣ် န့ၣ် မ့ၢ် ၀ဲ ယွၤ အ စု, အ ထး ခိၣ် ဒီး အ ခီၣ် လၢ ဟီၣ် ခိၣ် ချၢ န့ၣ် လီၤ.(၁ က ရံၣ် သူး ၁၂း၁၂-၂၇) တၢ် အိၣ် ဖှိၣ် က ဘၣ် မၤ ၀ဲ တၢ် မၤ လၢ က စၢ် ခ ရံာ် က မၤ လၢ ဟီၣ် ခိၣ် ချၢ န့ၣ် လီၤ.
Comments
Post a Comment