"၈" န့ၣ် ဘၣ် တၢ် ပာ် ဖျါ အီၤ လၢ လံာ် စီ ဆှံ အ ပူၤ ၇၃ ဘျီ န့ၣ် လီၤ. လံာ် စီ ဆှံ အ တၢ် ပာ် ဖျါ "၈" အ ခီ ပ ညီ မ့ၢ် ၀ဲ တၢ် စး ထီၣ် က့ၤ အ သီ န့ၣ် လီၤ. "၈" အ တၢ် ပ နီၣ် မ့ၢ် ၀ဲ "တၢ် ဂဲၤ ဆၢ ထၢၣ် သ မူ ထီၣ် က့ၤ" ဒီး "တၢ် စး ထီၣ် က့ၤ အ သီ" န့ၣ် လီၤ.
- လံာ် စီ ဆှံ အ ပူၤ က စၢ် ယွၤ တ့ လီၤ တၢ် ၆ သီ ၀ံၤ ၇ သီ တ သီ န့ၣ် အိၣ် ဘှံး ၀ဲ ၀ံၤ ဒီး ၈ သီ တ သီ န့ၣ် မ့ၢ် ၀ဲ တၢ် စး ထီၣ် က့ၤ အ သီ န့ၣ် လီၤ. (၁မိၤ ၂း၂-၃)
- က စၢ် ယွၤ အ စး ထီၣ် က့ၤ ပှၤ က ညီ အ တၢ် အိၣ် မူ အ သီ လၢ စီၤ နိ အၤ ဒီး အ ပှၤ ဟံၣ် ဖိ ဃီ ဖိ ၈ ဂၤ အ တၢ် ဟး ထီၣ် လၢ က ဘီ အ ပူၤ န့ၣ် လီၤ.(၁ မိၤ၇း၁၃)
- တၢ် စူၤ တၢ် နာ် အ ပၢ် စီၤ အၤ ဘြၤ ဟၣ် အ ဖိ အိၣ် ၈ ဂၤ. စီၤ ဒၤ ၀ံး မ့ၢ် ၀ဲ ဖိ ခွါ ၈ ဂၤ တ ဂၤ န့ၣ် လီၤ.
- တၢ် ကူး တ ရံး က ဘၣ် မၤ ၀ဲ ဖဲ ဖိ သၣ် အိၣ် ဖျဲၣ် ၀ံၤ ၈ သီ န့ၣ် လီၤ.(၁မိၤ ၁၇း၁၃) ( ရိမ့ၤ ၂း၂၈-၂၉, ကလီးစဲ ၂း၁၁-၁၃)
- က စၢ် ခ ရံာ် ဂဲၤ ဆၢ ထၢၣ် သ မူ ထီၣ် ၀ဲ ဖဲ ၈ သီ တ သီ လၢ အ မ့ၢ် မုၢ် ခီၣ် ထံး န့ၣ် လီၤ.
- က စၢ် ခ ရံာ် ဒုး နဲၣ် ဖျါ ထီၣ် အ သး ၈ ဘျီ ဖဲ အ ၀ဲ ဂဲၤ ဆၢ ထၢၣ် သ မူ ထီၣ် ၀ံၤ အ လီၢ် ခံ န့ၣ် လီၤ. ( မးသဲ ၂၈း၁၆-၁၇, မၢ်ကူး ၁၆း၉, လူၤကၣ် ၂၄း၁၅-၅၂, ယိၤဟၣ် ၂၀း၁၉-၃၁, ၂၆း၂၉, ၂၁း၁-၂၄, မၤတၢ် ၁း၃-၁၀, ၁ကရံၣ်သူး ၁၅း၄-၇)
- က စၢ် ယွၤ ဃု ထၢ ပှၤ ၈ ဂၤ လၢ အ မ့ၢ် မးသဲ, မၢ်ကူး, လူၤကၣ်, ယိၤဟၣ်, ယၤကိာ်, ပ့းတရူး, ယူဒၤ, ဒီး ပီလူၤ ဒ် သိး က ကွဲး ၀ဲ လံာ် စီ ဆှံ လံာ် တၢ် အၢၣ် လီၤ အီ လီၤ အ သီ န့ာ် လီၤ.
- က စၢၢ် ခိၣ် အ တၢ် စံၣ် တဲၤ တဲ လီၤ လၢ ပှၤ လၢ အ ဘၣ် ဆိၣ် ဂ့ၤ ၈ က လုာ်. (မးသဲ ၅း၃-၁၁)
တၢ် ဆိၣ် ဂ့ၤ လၢ ဆၣ် မုၢ် ထီၣ် က ညီ ဘျၢ ထံ ခ ရံာ် ဖိ တၢ် အိၣ် ဖှိၣ် ပှဲၤ ထီၣ် ၈ နံၣ်.
- တၢ် စး ထီၣ် အ သီ န့ၣ် တ မ့ၢ် တၢ် ၀း တ ရံး ဘၣ်. က စၢ် ယွၤ အ တ့ လီၢ် ဟီၣ် ခိၣ် မူ ခိၣ် ဒီး ပှၤ က ညီ ၀ံၤ တၢ် စး ထီၣ် အ သး အ သီ ဖဲ ၈ သီ တ သီ လၢ အ မ့ၢ် ၀ဲ ယွၤ ဒီး ပှၤ က ညီ အ တၢ် ရ့ လိာ် မုာ် လိာ် သး စး ထီၣ် ၀ဲ ဖဲ မုၢ် ဃ့ၢ် လီၤ, ဒီး ဒ် က စၢ် ယွၤ ဟ့ၣ် လီၤ တ့ၢ် မူ ဒါ အ သိး ပှၤ က ညီ စး ထီၣ် မၤ အ မူ အ ဒါ မ့ၢ် လၢ တၢ် ပၢ ဘၣ် က စၢ် ယွၤ အ တၢ် ဘၣ် တ့ လီၤ သ့ၣ် တ ဖၣ် န့ၣ် လီၤ ( ၁ မိၤ ၁း၂၆-၂၈ ). ပ ၀ဲ ဆၣ် မုၢ် ထီၣ် က ညီ ဘျၢ ထံ ခရံာ် ဖိ တၢ် အိၣ် ဖှိၣ် ဘၣ် ဃး တၢ် ရ့ လိာ် မုာ် လိာ် ဒီး ယွၤ န့ၣ် ဘၣ် တၢ် စး ထီၣ် မၤ အီၤ ၀ံၤ လံ, ဒီး အိၣ် လၢ ပ က ဘၣ် စး ထီၣ် မၤ အီၤ ဂ့ၤ န့ၢ် အါ န့ၢ် အ လီၢ် န့ၣ် လီၤ. အိၣ် ဒၣ် လၢ ပ က ဘၣ် စး ထီၣ် မၤ က စၢ် ယွၤ ဟ့ၣ် လီၤ တ့ၢ် မူ ဒါ လၢ ပ က ဘၣ် ပၢ က စၢ် ယွၤ အ တၢ် ဘၣ် တ့ သ့ၣ် တ ဖၣ် (Stewardship) န့ၣ် လီၤ. က စၢ် ယွၤ တ့ လီၤ တၢ် ၀ံၤ ထံၣ် ၀ဲ လၢ အ ဂ့ၤ ၀ဲ အ ဃိး ပ သ့ၣ် ညါ လၢ က စၢ် ယွၤ တ သး လီ လၢ အ တၢ် ဘၣ် တ့ တ မံၤ လၢ် လၢ် (စုာ် စုာ်) က ဟါ မၢ် (လီၤ မၢ်) ဘၣ် န့ၣ် လီၤ. အ ဃိး ပ အိၣ် ဒီး မူ ဒါ လၢ အ မ့ၢ် ၀ဲ တၢ် ပၢ ယွၤ အ တၢ် ဘၣ် တ့ တ ဖၣ် (Environmental) လၢ ပ က ဘၣ် စး ထီၣ် မၤ အီၤ န့ၣ် လီၤ.
- ဒ် သိး ပ စး ထီၣ် တၢ် အ သီ က န့ၢ် အ ဂီၢ် ပ တၢ် နာ် က ဘၣ် အိၣ် ဒ် သိး စီၤ နိ အၤ န့ၣ် လီၤ. ဒ် စီၤ ဒၤ ၀ံၤ အ သိး ပ တၢ် အိၣ် ဖှိၣ် ပ ဘၣ် ပှဲၤ ဒီး တၢ် နာ် က စၢ် ယွၤ တၢ် စံး ထီၣ် ပ တြၢၤ က စၢ် ယွၤ လၢ ကျဲ အ ဘိ ဘိ န့ၣ် လီၤ.
- ဒ် တၢ် နာ် အ ပၢ် စီၤ အၤ ဘြၤ ဟၣ် အ ဖိ အိၣ် ၈ ဂၤ အ သိး ပ တၢ် အိၣ် ဖှိၣ် ကြၢး အိၣ် ၀ဲ အ ဒ့ ၈ ဒ့ န့ၣ် လီၤ.
- တၢ် ကူး တ ရံး မ့ၢ် တၢ် ပာ် ဖျါ ယွၤ ဒီး ပှၤ က ညီ အ တၢ် အၢၣ် လီၤ အီ လီၤ အ ထူ အ ယိာ် အ သိး, က စၢ် ယ့ၣ် ရှူၤ ခ ရံာ် အ နီၢ် က စၢ် ကူး တ ရံး အ သး ဖဲ အ ပှဲၤ ထီၤ ၈ သီ, ဒီး စီၤ တံၤ မ သ့း အ တ မ့ၢ် ပှၤ ယူ ဒၤ ဖိ ဘၣ် ဆၣ် တ ချုး အ မၤ တၢ် သး ခု က စီၣ် အ ဘၣ် တၢ် ကူး တ ရံး န့ၣ် လီၤ. ပ တၢ် အိၣ် ဖှိၣ် ပှဲၤ ထီၣ် ၈ နံၣ် အ ဃိ တၢ် ကူး တ ရံး ဒ် သိး ( ရိမ့ၤ ၂း၂၈-၂၉, ကလီးစဲ ၂း၁၁-၁၃) ပ က ဘၣ် စး ထီၣ် မၤ အီၤ န့ၣ် လီၤ.
- က စၢ် ခ ရံာ် ဂဲၤ ဆၢ ထၢၣ် သ မူ ထီၣ် ၈ သီ န့ၣ် မ့ၢ် ၀ဲ တၢ် စး ထီၣ် အ သီ လၢ ပ ၀ဲ ပှၤ ခ ရံာ် ဖိ တ ဖၣ် အ ဂီၢ် န့ၣ် လီၤ. က စၢ် ခ ရံာ် ဖဲ အ အိၣ် မူ အ ခါ အ လူၤ ပိာ် ထွဲ ပှၤ ယူ ဒၤ ဖိ အ လုၢ် အ လၢ် သ့ၣ် တ ဖၣ် ဘၣ် ဆၣ် ဖဲ အ ဂဲၤ ဆၢ ထၢၣ် သ မူ ထီၣ် က့ၤ အ လီၢ် ခံ တၢ် ခဲ လၢာ် ဆီ တ လဲ ဒီး ဘၣ် တၢ် စး ထီၣ် အီၤ အ သီ န့ၣ် လီၤ. အ ဒိး ဖိ တ နီၤ - မုၢ် အိၣ် ဘှံး နံၤ ဆီ တ လဲ အ သး မုၢ် နွံ နံၤ (မုၢ် ဘူၣ် နံၤ / မုၢ် နံၤ ဖိ) ဆူ မုၢ် ခီၣ် ထံး နံၤ (မုၢ် ဒဲး).သး စီ ဆှံ ဟဲ လီၤ ဖဲ ဘူၣ် ယဲၢ် ဆံ အ မုၢ် နံၤ (မၤ တၢ် ၂၁-၄).
- က စၢ် ခ ရံာ် ဒုး နဲၣ် ဖျါ ထီၣ် အ သး ၈ ဘျီ ဖဲ အ ၀ဲ ဂဲၤ ဆၢ ထၢၣ် သ မူ ထီၣ် ၀ံၤ အ လီၢ် ခံ ဒ် သိး ပ ၀ဲ ပှၤ ခ ရံာ် ဖိ တ ဖၣ် အ သး ဒ့ ဒီ သု တ အိၣ် ဘၣ် အ ဂီၢ် န့ၣ် လီၤ. ပ တၢ် အိၣ် ဖှိၣ် ပှဲၤ ထီၣ် ၈ နံၣ် အ ဃိး ပ တ ကြၢး သး ဒ့ ဒီ လၢ က စၢ် ယွၤ ဒီး အ ပှၤ ဂီၢ် မုၢ် အ ဖီ ခိၣ် ဒ် စီၤ သိၤ မါ အ သိး ဘၣ်.
- က စၢ် ယွၤ ဃု ထၢ ပှၤ ၈ ဂၤ လၢ အ မ့ၢ် မးသဲ, မၢ်ကူး, လူၤကၣ်, ယိၤဟၣ်, ယၤကိာ်, ပ့းတရူး, ယူဒၤ, ဒီး ပီ လူၤ ဒ် သိး က ကွဲး ၀ဲ လံာ် စီ ဆှံ လံာ် တၢ် အၢၣ် လီၤ အီ လီၤ အ သီ အ ဃိး ပ တၢ် အိၣ် ဖှိၣ် ပှဲၤ ထီၣ် ၈ နံၣ် ပ ကြၢး မၤ လိ ဖး လံာ် စီ ဆှံ ဒ် ၀့ၢ် ဘ့ ရံၤ တၢ် အိၣ် ဖှိၣ် (မၤ တၢ် ၁၇း၁၀-၁၁) အ သိး န့ၣ် လီၤ
- က စၢၢ် ခိၣ် တၢ် စံၣ် တဲၤ တဲ လီၤ (မးသဲ ၅း၃-၁၁) န့ၣ် မ့ၢ် ၀ဲ လၢ ပ က ဘၣ် အိၣ် မူ ထွဲ ၀ဲ ဒီး ပ က က တဲာ် က တီၤ ဆိ ပာ် ပ သး လၢ တၢ် က ပှဲၤ ထီၣ် ၉ နံၣ် န့ၣ် ပ တၢ် အိၣ် ဖှိၣ် က ပှဲၤ ဒီး သး စီ ဆှံ အ တၤ သၣ် ၉ ဖျၢ န့ၣ် လီၤ.
- ဒ် မၤ တၢ် ၁း၈ အ သိး က မ့ၢ် လၢ သး စီ ဆှံ ဟဲ လီၤ ၀ံၤ ဒီး က မ့ၢ် ပှၤ အုၣ် အ သး လၢ ပ အိၣ် ဆိး ၀့ၢ် / ဒူ သ ၀ီ (ယ ရူၤ ရှ လ့ၣ်), ပ အိၣ် ဆိး ထံ ကီၢ် (ကီၢ် ယူ ဒၤ) ဒီး ကီၢ် လၢ အ ဘၣ် ဃး ဒိး ပှၤ (ရှ မ ရံ), ဒီး ဟီၣ် ခိၣ် အ က တၢၢ် န့ၣ် လီၤ.
- ဒ် ပ တၢ် အိၣ် ဖှိၣ် ပှဲၤ ထီၣ် ၈ နံၣ် ၀ံၤ လံ အ ဃိး ပ တၢ် အိၣ် ဖှိၣ် က ပှဲၤ ဒီး (Five Fold Ministry) ဒ် အ့း ဖ့း စူ ၄း၁၁ အ ပူၤ န့ၣ် လီၤ.
- ဒ် ပ တၢ် အိၣ် ဖှိၣ် ကဲ ထီၣ် ၀ဲ လၢ "၂ နံၣ် အ တၢ် တိာ် ကျဲၤ" အ ဖီၣ် ခိၣ် အ သိး ဆူ ညါ ၂ နံၣ် ပ က သ ဂၢၤ ပ တၢ် အိၣ် ဖှိၣ် အ တၢ် ပှဲၤ ထီၣ် အ နံၣ် ၁၀ လၢ, အ မ့ၢ် ၀ဲ တၢ် စး ထီၣ် ၂ နံၣ် အ တၢ် တိာ် ကျဲၤ အ သီ (တ မ့ၢ် အ နံၣ် ၁၀ တၢ် သူၣ် ထီၣ် ဘၣ်, ဆၢ မုၢ် လၢ် လၢ က မ့ၢ် ၀ဲ တၢ် သး ခုး က စီၣ်/တၢ် အုၣ် အ သး အ တၢ် ဖံး တၢ် မၤ တ ဖၣ် လၢ အ ဒိ အ မ့ၢ် ၀ဲ တၢ် မၤ လီၢ် / ဖိၣ် ဃဲ ကၠိ) လၢ အ မ့ၢ် ၀ဲ တၢ် အိၣ် ဖှိၣ် တ ဖု လၢ တၢ် မုၢ် လၢ် တၢ် ကွၢ် စိ အိၣ် လၢ ပ က သူၣ် ထီၣ် မူ ခိၣ် အ ဘီၣ် မုၢ် လၢ ဟီၣ် ခိၣ် ချၢ အ သိး န့ၣ် လီၤ.
စီၤ လါ န့ၢ် သါ
Credit to Rev. No No and Google
Comments
Post a Comment